Tuesday, 1 September 2015
Sunday, 1 February 2015
മുത്തശ്ശിമാരില്നിന്ന് ഭക്ഷണം ഔഷധമാക്കാന് പഠിക്കാം - ഡോ. എസ്. രാമചന്ദ്രന്
2015 ജനുവരി 30-ന് പാലാ സാന്ത്വനം ഓഡിറ്റോറിയത്തില് യോഗാചാര്യ എന്. പി. ആന്റണിയുടെ 'ഭക്ഷണംതന്നെ ഔഷധം' എന്ന പുസ്തകം പ്രകാശനം ചെയ്തുകൊണ്ട് പ്രസംഗിക്കുകയായിരുന്നു, റിട്ടയേര്ഡ് പ്രിന്സിപ്പലും പ്രമുഖ ഗാന്ധിയനും പരിസ്ഥിതി, ഭക്ഷ്യ-സ്വരാജ് പ്രവര്ത്തകനുമായ ഡോ. രാമചന്ദ്രന്. അടുക്കളവൈദ്യമെന്നും മുത്തശ്ശി വൈദ്യമെന്നും ഒക്കെ വിളിച്ച് ഒരു തലമുറ അവഗണിച്ച കുറെ അറിവുകളാണ് ഈ പുസ്തകത്തില് സമാഹരിച്ചിട്ടുള്ളതെന്നും ഭക്ഷണം ഔഷധമാക്കാന് മാത്രമല്ല രോഗങ്ങളില്ലാത്തവര്ക്ക് ഓജസ്സും തേജസ്സും തുളുമ്പുന്ന ജീവിതം നയിക്കാനും ഈ പുസ്തകം വഴികാട്ടുമെന്ന് അദ്ദേഹം വ്യക്തമാക്കി. സ്വയം ആഹാരം ഉത്പാദിപ്പിക്കുന്നതിലൂടെമാത്രമേ യഥാര്ഥ ഭക്ഷ്യസുരക്ഷ ഉറപ്പാക്കുവാനാവൂ എന്നും ജൈവകൃഷിയിലൂടെ ഉത്പാദിപ്പിച്ചവ എന്നു പരസ്യപ്പെടുത്തി വിറ്റഴിക്കുന്നവയും വിഷാംശമുള്ളവയാകാന് സാധ്യതയുണ്ടെന്നും അദ്ദേഹം സദസ്സിനെ അനുസ്മരിപ്പിച്ചു.
പ്രശസ്ത തേന് ചികിത്സാവിദഗ്ധനും ഹൈറേഞ്ച് തേനീച്ച പരിപാലനകേന്ദ്രം (ഹണിനഗര് തൊപ്പിപ്പാള) ഡയറക്ടറുമായ ശ്രീ ടി. കെ. രാജു പുസ്തകം ഏറ്റുവാങ്ങി. തുടര്ന്ന് ആരോഗ്യകരമായ ആഹാരശീലത്തെ കുറിച്ച് അദ്ദേഹത്തിന്റെ ക്ലാസ്സും ഉണ്ടായിരുന്നു. എല്ലാ വെള്ളിയാഴ്ചയും സാന്ത്വനത്തില് തേനീച്ചയെയും തേന് വിഭവങ്ങളെയും ഉപയോഗിച്ചുള്ള തന്റെ എപ്പിതെറാപ്പി പരിശീലന ക്ലാസ്സുകളുണ്ടാവും എന്ന് അദ്ദേഹം പ്രഖ്യാപിക്കുകയും ചെയ്തു.
പുസ്തകപ്രകാശനത്തോനുബന്ധിച്ച്
സാന്ത്വനം സൗഖ്യ എന്ന പരിശീലനകേന്ദ്രത്തിന്റെ ഉദ്ഘാടനം
രാവിലെ 9-30 ന് പാലാ മുനിസിപ്പല് ചെയര്മാന്
ശ്രീ കുര്യാക്കോസ് പടവന് പതിനഞ്ചു വര്ഷമായി
സാന്ത്വനം ആക്ഷന് ഫോഴ്സ് പാലായിലും പരിസരപ്രദേശങ്ങളിലും ചെയ്തുകൊണ്ടിരിക്കുന്ന
സേവനങ്ങളെ ശ്ലാഘിച്ചുകൊണ്ടും എല്ലാ വിജയങ്ങളും നേര്ന്നുകൊണ്ടും സാന്ത്വനം സൗഖ്യപരിശീലനകേന്ദ്രത്തിന്റെ
ഉദ്ഘാടനം നിര്വഹിച്ചു.
അപകടങ്ങളില്പ്പെടുന്നവര്ക്ക്
അടിയന്തിര പ്രഥമശുശ്രൂഷചെയ്യുന്നതെങ്ങനെ എന്ന പരിശീലനം നല്കിക്കൊണ്ട് പ്രവര്ത്തിക്കുന്ന
സാന്ത്വനം ആക്ഷന് ഫോഴ്സ് ജീവിതശൈലീ രോഗങ്ങളും ആഹാരജന്യരോഗങ്ങളും മൂലം കഷ്ടപ്പടുന്നവര്ക്ക്
വഴികാട്ടുന്നതിനായാണ് ഒരു സൗഖ്യപരിശീലന കേന്ദ്രവും പ്രസിദ്ധീകരണ വിഭാഗവും തുടങ്ങാന്
തീരുമാനിച്ചിരിക്കുന്നതെന്ന് ചടങ്ങില് അധ്യക്ഷത വഹിച്ച സാന്ത്വനം ആക്ഷന് ഫോഴ്സ്
പ്രസിഡന്റ് ശ്രീ. തോമസ് റ്റി. പൊടിമറ്റം വ്യക്തമാക്കി. തുടര്ന്ന് യോഗാ, റെയ്ക്കി, പ്രാണിക് ഹീലിങ്ങ്, ഒറ്റമൂലികള്, മാക്രോബയോട്ടിക്സ്
മുതലായവയെപ്പറ്റിയുള്ള പ്രതിവാര ക്ലാസ്സുകളും തുടങ്ങുമെന്നും അടുത്ത മാസംമുതല് ഈ
കേന്ദ്രത്തെ പൂര്ണമായി സജീവമാക്കാന് തീരുമാനിച്ചിട്ടണ്ടെന്നും അദ്ദേഹം വിശദീകരിച്ചു.
Thursday, 29 January 2015
ഫെബ്രുവരി 7 മുതല് എല്ലാ ശനിയാഴ്ചയും രാവിലെ 9 മുതല് യോഗാചാര്യ എന്. പി. ആന്റണിയുടെ യോഗാക്ലാസ്സുകള് ഉണ്ടായിരിക്കും. വിശദ വിവരങ്ങള്ക്ക് ബന്ധപ്പെടുക: 9447858743 / 9495780269
bhakshyaswaraj.blogspot.com
Wednesday, 7 January 2015
സന്മനസ്സോടെ സാന്ത്വനം നല്കുവാന്
തോമസ് ടി. പൊടിമറ്റം
(പ്രസിഡന്റ്, സാന്ത്വനം ആക്ഷന് ഫോഴ്സ്)
(പ്രസിഡന്റ്, സാന്ത്വനം ആക്ഷന് ഫോഴ്സ്)
ആധുനികകാലത്ത് മനുഷ്യന് നേരിടുന്ന സുപ്രധാനമായ ഒരു വെല്ലുവെളിയാണ് വഹനങ്ങളുടെ അനിയന്ത്രിതമായ
ഉപയോഗവും അപകടങ്ങളും. അപകടങ്ങളില്പ്പെട്ട് പാതയോരങ്ങളില് മരണത്തെ മുഖാമുഖം കണ്ട്
കിടക്കുന്ന നിസ്സഹായരെ മിക്കപ്പോഴും ജനം നിസ്സംഗതയോടെയാണ് നോക്കുന്നത്.
അത്യാഹിതങ്ങളില്പ്പെടുന്നവര്ക്ക് അവശ്യം വേണ്ട ശുശ്രൂഷകള് നല്കി ആശുപത്രിയില് എത്തിച്ച് അവരുടെ ജീവന് രക്ഷിക്കാന് അവരില് മിക്കവരും തയ്യാറാകാത്തത് അങ്ങനെ ചെയ്താല് ഉണ്ടായേക്കാവുന്ന ബുദ്ധിമുട്ടുകള് ഓര്ത്താണ്. എന്താണ് ചെയ്യേണ്ടതെന്ന അറിവില്ലായ്മയും പരിശീലനത്തിന്റെ അഭാവവും മൂലം പിന്മാറുന്നവരും കുറവല്ല.
റോഡ് നിയമങ്ങളെപ്പറ്റി സമൂഹത്തിന് നിലവിലുള്ള വികലമായ ധാരണ മാറ്റുന്നതിന് വ്യാപകമായ ബോധവത്കരണം നടത്തുക, അപകടത്തില് പെടുന്നവരെ അടിയന്തിര പ്രഥമശുശ്രൂഷ നല്കി ഏറ്റവും അടുത്തുള്ള പ്രാഥമികാരോഗ്യകേന്ദ്രത്തിലോ ആശുപത്രിയിലോ എത്തിക്കുക എന്നീ ലക്ഷ്യങ്ങളോടെയാണ് പതിനഞ്ചു വര്ഷം മുമ്പ് പാലായില് സാന്ത്വനം ആക്ഷന് ഫോഴ്സ് (SAF)എന്ന പ്രസ്ഥാനം പ്രവര്ത്തനം ആരംഭിക്കുന്നത്.
അന്നത്തെ ജില്ലാ കളക്ടര് ശ്രീ ബി. എസ് മാവോജി ഐ. എ. എസ്. രക്ഷാധികാരിയും കോട്ടയം എസ്. പി. ശ്രീ. ടി. കെ. വിനോദ്കുമാര് ഐ പി. എസ്. എക്സ് ഒഫീഷ്യോ ഡയറക്ടറും പാലാ അസിസ്റ്റന്റ് കളക്ടറായ ശ്രീ. രബീന്ദ്രകുമാര് അഗര്വാള് ഐ. എ. എസ്., ഡി. വൈ. എസ്. പി. ശ്രീ. കെ. അജയകുമാര് എന്നിവര് എക്സ് ഒഫീഷ്യോ അസിസ്റ്റന്റ് ഡയറക്ടര്മാരുമായിട്ട് ആയിരുന്നു SAF പ്രവര്ത്തനമാരംഭിച്ചത്. ആദ്യത്തെ ഭപരണസമിതിയില് റിട്ടയേര്ഡ് അധ്യാപകനും സാമൂഹികപ്രവര്ത്തകനും കവിയുമായിരുന്ന ശ്രീ. കെ. വിശ്വനാഥന് പ്രസിഡന്റും ഡോ. എം ആര് രാധാകൃഷ്ന്നായര്, ഡോ. സാജു ജോസ് എന്നിവര് വൈസ് പ്രസിഡന്റുമാരും ശ്രീ. വി. എന്. ജനാര്ദ്ദന കൈമള് സെക്രട്ടറിയും ശ്രീ. പി. എം. വര്ഗീസ് ജോയിന്റ് സെക്രട്ടറിയും, ശ്രീ. പി.ജെ. ജയിംസ് ട്രഷററും അഡ്വ. അജി ജോസ് ഓര്ഗനൈസിങ്ങ് സെക്രട്ടറിയുമായിരുന്നു. ഇതര എക്സിക്യൂട്ടീവ് കമ്മറ്റി അംഗങ്ങള് ഡോ. വി. ജെ. വര്ക്കി, ശ്രീ. വി.ഡി. സിബിമോന്, ശ്രീ. പി. വി. രാജു, ശ്രീ. എം വി. ജോര്ജ്, ശ്രീ. തോമസ് ടി. പൊടിമറ്റം, ശ്രീ. കെ. പി. ദിനേശ്കുമാര്, ശ്രീ. ആന്റണി രാജ്, ശ്രീ. ബിനു മൈക്കിള് എന്നിവരായിരുന്നു.
സമൂഹത്തോടു പ്രതിജ്ഞാബദ്ധതയുള്ള നിസ്വാര്ഥ ജനസേവകര് ഒത്തുചേര്ന്നു പ്രവര്ത്തിച്ചാല് വാഹനാപകടങ്ങള് ഗണ്യമായി കുറയ്ക്കാം എന്ന കാഴ്ചപ്പാടോടെയുള്ള ട്രാഫിക് ബോധവത്കരണമായിരുന്നു ആദ്യകാലപ്രവര്ത്തനങ്ങളിലെ മുഖ്യഘടകം. ആശുപത്രിയിലേക്കു കൊണ്ടുപോകുമ്പോള് ശ്രദ്ധിക്കേണ്ട, പ്രഥമശുശ്രൂഷ സംബന്ധിച്ച ക്ലാസ്സുകളുടെ പ്രാധാന്യം മനസ്സിലാക്കിയതിനെത്തുടര്ന്ന് ഇപ്പോള് ജനങ്ങളിലേക്കും വിദ്യാര്ഥിസമൂഹത്തിലേക്കും ഇറങ്ങിച്ചെന്ന് അത്തരം ക്ലാസ്സുകള് നല്കുന്നതിന് കൂടുതല് ഊന്നല് നല്കുന്നുണ്ട്. AIEMS എന്ന അന്താരാഷ്ട്ര ശ്രദ്ധനേടിയിട്ടുള്ള സംഘത്തിന്റെ സഹകരണത്തോടെയാണ് ഇപ്പോള് ഈ പരിശീലനം നല്കിവരുന്നത്. ഇങ്ങനെ പരിശീലനം നേടുന്നവരുടെ ഒരു സന്നദ്ധസേനയാണ് ഇപ്പോള് SAF ന്റെ ശക്തിസ്രോതസ്സ്.
അത്യാഹിതങ്ങളില്പ്പെടുന്നവര്ക്ക് അവശ്യം വേണ്ട ശുശ്രൂഷകള് നല്കി ആശുപത്രിയില് എത്തിച്ച് അവരുടെ ജീവന് രക്ഷിക്കാന് അവരില് മിക്കവരും തയ്യാറാകാത്തത് അങ്ങനെ ചെയ്താല് ഉണ്ടായേക്കാവുന്ന ബുദ്ധിമുട്ടുകള് ഓര്ത്താണ്. എന്താണ് ചെയ്യേണ്ടതെന്ന അറിവില്ലായ്മയും പരിശീലനത്തിന്റെ അഭാവവും മൂലം പിന്മാറുന്നവരും കുറവല്ല.
റോഡ് നിയമങ്ങളെപ്പറ്റി സമൂഹത്തിന് നിലവിലുള്ള വികലമായ ധാരണ മാറ്റുന്നതിന് വ്യാപകമായ ബോധവത്കരണം നടത്തുക, അപകടത്തില് പെടുന്നവരെ അടിയന്തിര പ്രഥമശുശ്രൂഷ നല്കി ഏറ്റവും അടുത്തുള്ള പ്രാഥമികാരോഗ്യകേന്ദ്രത്തിലോ ആശുപത്രിയിലോ എത്തിക്കുക എന്നീ ലക്ഷ്യങ്ങളോടെയാണ് പതിനഞ്ചു വര്ഷം മുമ്പ് പാലായില് സാന്ത്വനം ആക്ഷന് ഫോഴ്സ് (SAF)എന്ന പ്രസ്ഥാനം പ്രവര്ത്തനം ആരംഭിക്കുന്നത്.
അന്നത്തെ ജില്ലാ കളക്ടര് ശ്രീ ബി. എസ് മാവോജി ഐ. എ. എസ്. രക്ഷാധികാരിയും കോട്ടയം എസ്. പി. ശ്രീ. ടി. കെ. വിനോദ്കുമാര് ഐ പി. എസ്. എക്സ് ഒഫീഷ്യോ ഡയറക്ടറും പാലാ അസിസ്റ്റന്റ് കളക്ടറായ ശ്രീ. രബീന്ദ്രകുമാര് അഗര്വാള് ഐ. എ. എസ്., ഡി. വൈ. എസ്. പി. ശ്രീ. കെ. അജയകുമാര് എന്നിവര് എക്സ് ഒഫീഷ്യോ അസിസ്റ്റന്റ് ഡയറക്ടര്മാരുമായിട്ട് ആയിരുന്നു SAF പ്രവര്ത്തനമാരംഭിച്ചത്. ആദ്യത്തെ ഭപരണസമിതിയില് റിട്ടയേര്ഡ് അധ്യാപകനും സാമൂഹികപ്രവര്ത്തകനും കവിയുമായിരുന്ന ശ്രീ. കെ. വിശ്വനാഥന് പ്രസിഡന്റും ഡോ. എം ആര് രാധാകൃഷ്ന്നായര്, ഡോ. സാജു ജോസ് എന്നിവര് വൈസ് പ്രസിഡന്റുമാരും ശ്രീ. വി. എന്. ജനാര്ദ്ദന കൈമള് സെക്രട്ടറിയും ശ്രീ. പി. എം. വര്ഗീസ് ജോയിന്റ് സെക്രട്ടറിയും, ശ്രീ. പി.ജെ. ജയിംസ് ട്രഷററും അഡ്വ. അജി ജോസ് ഓര്ഗനൈസിങ്ങ് സെക്രട്ടറിയുമായിരുന്നു. ഇതര എക്സിക്യൂട്ടീവ് കമ്മറ്റി അംഗങ്ങള് ഡോ. വി. ജെ. വര്ക്കി, ശ്രീ. വി.ഡി. സിബിമോന്, ശ്രീ. പി. വി. രാജു, ശ്രീ. എം വി. ജോര്ജ്, ശ്രീ. തോമസ് ടി. പൊടിമറ്റം, ശ്രീ. കെ. പി. ദിനേശ്കുമാര്, ശ്രീ. ആന്റണി രാജ്, ശ്രീ. ബിനു മൈക്കിള് എന്നിവരായിരുന്നു.
സമൂഹത്തോടു പ്രതിജ്ഞാബദ്ധതയുള്ള നിസ്വാര്ഥ ജനസേവകര് ഒത്തുചേര്ന്നു പ്രവര്ത്തിച്ചാല് വാഹനാപകടങ്ങള് ഗണ്യമായി കുറയ്ക്കാം എന്ന കാഴ്ചപ്പാടോടെയുള്ള ട്രാഫിക് ബോധവത്കരണമായിരുന്നു ആദ്യകാലപ്രവര്ത്തനങ്ങളിലെ മുഖ്യഘടകം. ആശുപത്രിയിലേക്കു കൊണ്ടുപോകുമ്പോള് ശ്രദ്ധിക്കേണ്ട, പ്രഥമശുശ്രൂഷ സംബന്ധിച്ച ക്ലാസ്സുകളുടെ പ്രാധാന്യം മനസ്സിലാക്കിയതിനെത്തുടര്ന്ന് ഇപ്പോള് ജനങ്ങളിലേക്കും വിദ്യാര്ഥിസമൂഹത്തിലേക്കും ഇറങ്ങിച്ചെന്ന് അത്തരം ക്ലാസ്സുകള് നല്കുന്നതിന് കൂടുതല് ഊന്നല് നല്കുന്നുണ്ട്. AIEMS എന്ന അന്താരാഷ്ട്ര ശ്രദ്ധനേടിയിട്ടുള്ള സംഘത്തിന്റെ സഹകരണത്തോടെയാണ് ഇപ്പോള് ഈ പരിശീലനം നല്കിവരുന്നത്. ഇങ്ങനെ പരിശീലനം നേടുന്നവരുടെ ഒരു സന്നദ്ധസേനയാണ് ഇപ്പോള് SAF ന്റെ ശക്തിസ്രോതസ്സ്.
Subscribe to:
Comments (Atom)